生命

生命誕生嘅時候一切由無變有, 相信亦期望自己嘅能力能某程度令此生命有好嘅成長, 對此生命嘅將來抱有憧憬之餘亦因一切未知而擔憂, 可謂既喜又驚。生命消失嘅時候一切由有變無, 為自己無能力改變及預期此生命嘅消失感到無奈之餘, 亦為一向擁有及習慣的從此失去而感到不捨及迷惘, 可謂既悲又哀。雖知本來無一物, 但區區一個凡人既能為生而喜, 如何能不為死而哀！此刻為你嘅突然離開而感到悲傷及哀痛。