下半生/新一頁

如果話自己步入人生嘅下半生好似有啲奇怪, 但係踏入09年我真係有人生新一頁嘅感覺。事業、家庭、感情都有好大嘅變化, 無論係事件本身或者係周邊嘅變化, 表面睇全部都係好嘅改變, 亦都因為表面上係好, 我更加提醒自己唔可以輕率, 實際上我都要努力做好, 之前喺工作上放得太多喇, 未來嘅日子希望可以平衡返啲, 特別係家庭同感情上, 我要積極同主動咁做好啲, 當然自己本身嘅健康同體格上亦都需要改善, 太多人話我得把口, 有講無做, 我絕對同意, 但係我始終覺得我嘅人生係我自己嘅, 好多嘢到咗我認為適當嘅時候我自然會做, 無人逼到我, 有講無做定有講未做已經唔錯, 因為我起碼話俾人知我有諗, 其實我根本無必要同任何人交代自己嘅諗法, 聽落好自私, 但係問心, 其實每個人都係咁, 不過有人夠假、有人唔認或者有人連自己都呃埋啫。自私又好, 唔係又好, 我好清楚我一直做嘅都係以令身邊嘅人開心為目標去做, 問心無愧就算喇!!!