婆婆生日~!

婆婆八十八歲生日, 我同表哥都好有心為婆婆擺咗兩圍,

見到婆婆佢好開心, 我能夠做嘢氹到婆婆開心, 我自己都好開心。

過咗頭關~!

託大家鴻福, 我過咗頭關喇, 希望一切順順利利！

我心中嘅經典~!

我從來都唔會逼朋友做啲唔想做嘅嘢,

我有自己嘅原則, 我就唔想成世俾人襟住嚟打。

(每日我會聽十次同自己咁講十次, 我諗我已經痴Q咗線~!)

 

我衰咗三年(點解套套戲都咁鍾意用三年),

我等一個機會, 爭番口氣,

唔係要証明話俾人聽我威, 只係想話俾人聽我唔見咗嘅嘢我想自己攞番~!!!

(每日我會聽廿次同自己咁講廿次, 我諗我真係已經痴Q咗線~!)

大審判日

聽日就係公佈結果嘅大日子, 今日已經收到勁多祝福電話,

攪到唔想諗都唔得, 唔...希望過到呢關頭關啦, 因為聽日只會公佈

Fail的名單, 所以唔on list又唔一定掂梗, Anyway...過咗呢關先算~!!

多謝每一位關心我嘅人~!

咁又一年喇~!

Board就見完喇, 自己覺得表現麻麻, 不過只可以等..等公佈結果,

而自己亦要準備調離呢個工作崗位, 希望順順利利喇,

喺度實在太耐, 真係希望轉換吓環境~!!!

上個星期買咗支筆送俾老豆, 佢應該好開心~!

等我又買條頸鏈氹吓亞媽先得~!

盡力而為~!

聽朝就見board喇, 依家心情難以用筆墨形容, 點都好, 我將一切都推到最高峰, 就等聽日爆發~!大家等我好消息~!!!

如箭在弦

轉眼一年, 又係每年嘅科期, 距離十一月六號不夠一個月, 自問付出, 準備同時間都比上年多, 但係好似仍然未喺狀態, 相反緊張情緒越嚟越勁, 亦都開始失眠, 面對幾本電話簿嘅精讀, 已經好有系統咁分咗類, 但係奈何需要記嘅實在太多, 我唔敢相信一個以前唔讀書嘅我, 今日會睇咁多書。

我對今年真係好有期望, 雖然今年唔得係可以下年嚟過, 但感覺話我知係今年, 盡力而為呢四個字已經聽咗亦講咗二千幾次, 不過隨住時間一日一日倒數, 自我催眠已經克服唔到壓力, 點解會咁?唔通自己真係咁難戰勝...

我心中嘅經典~!

我從來都唔會逼朋友做啲唔想做嘅嘢,

我有自己嘅原則, 我就唔想成世俾人襟住嚟打。

(每日我會聽十次同自己咁講十次, 我諗我已經痴Q咗線~!)

我衰咗三年(點解套套戲都咁鍾意用三年),

我等一個機會, 爭番口氣,

唔係要証明話俾人聽我威, 只係想話俾人聽我唔見咗嘅嘢我想自己攞番~!!!

(每日我會聽廿次同自己咁講廿次, 我諗我真係已經痴Q咗線~!)

唔好再浪費時間喇!

做咗十二年為嘅係乜? 膚淺啲講係升職加薪, 機會已經喺面前, 呢一日呢四十五分鐘將會改變我下半生, 重有一個多月時間,  唔好再浪費時間喇, 係時候俾大家一個交代, 係時候俾自己一個交代, 全世界話你得, 個個話你掂, 到頭來你自己俾到啲乜嘢人哋睇, 飲酒玩飲酒玩..., 唔係唔俾你玩, 你自己知道要點行, 無時間喇, 下定决心行呢段路喇, 再繼續咁樣, 機會係唔等人架, 記住你自己同自己講過乜, 記住你希望阿爸阿媽睇到你做到, 無時間喇, 到時先後悔你就一世, 俾力行喇, 唔好再咁多籍口喇, 做喇仆街~!!!

親情友情愛情

親情偶有疏怠

友情也非常在

愛情更不期待

獨個自由自在 

一個Blog的誕生

成日見到人哋啲Blog整得好靚, 好有心機, 覺得佢哋好叻,

咁啱去完旅行整理緊啲相之際, 學人試吓整喇, 比想像中容易,

同埋都幾得意, 起碼學識多樣嘢吖~!!!