巨蟹座

「佢係一個要照顧人嘅人！」我最好嘅朋友喺半醉嘅狀態下講咗呢句說話嚟形容我, 當時我無乜感覺, 日前我喺屋企廁所內再次諗起呢句說話、呢個形容, 思考咗一陣, 的確係, 我內心一直都藏著呢個...呢個性格又好, 諗法又好, 乜都好, 唔通係巨蟹座嘅特質？ 哈！其實作為一個鍾意照顧人嘅人...

氧氣

上一次想寫嘢嘅時候, 我係想寫有關由細陪住我成長嘅好朋友 - 籃球先生, 但係新嘅工作、家庭嘅大大小小事宜同我同另一半嘅生活已經將我可以付出嘅精神同時間耗盡, 就連一篇短短嘅文章都寫唔到? 少少時間都分配唔到? 時間當然可以分配到, 但係有啲嘢係需要有精神及情緒喺背後支持同推動先做得好, 有人寧願交功課般去做一樣嘢, 但係無心我就寧願唔做, 我覺得係一種尊重！

今晚要返工, 但係未夠鐘, 自己喺房一路聽歌望吓窗外風景, 心中一陣刺痛, 刺痛當中包含好多好多種感覺, 好多好多片段。

每日返工, 處理全部都係是非題, 你啱, 你錯, 佢啱, 你錯, 啱啱錯錯、錯錯啱啱, 生活中我哋離唔開對與錯, 但係對一定係對? 錯一定係錯? 唔係, 如果人生係一題咁簡單, 只有對與錯嘅是非題嘅話, 做人就唔會咁難！人人有自己嘅性格、價值觀, 做一件錯事可能背付著一個苦心, 做一件對事可能暗藏著一個企圖。咁多年嚟, 一直以真心去對待身邊嘅人, 在公在私, 我得到好多, 亦失去好多, 我唔敢話我做得啱, 亦唔敢話無錯, 但我無害人之心, 明白我嘅人唔代表接受到我, 但係接受我嘅人我需要你哋嘅明白同體諒。我從來無勉强任何人留低, 因為我相信要走嘅人留唔住, 但我願意同需要我嘅人手拖手向前行, 問題係: 係咪真係需要我？當時間一日一日咁過, 更强嘅信念、更堅嘅信心都好似氧氣一樣會有吸完嘅一日, 我喺密室中一直等, 等有人打開門, 匙一直喺手中, 好亂可能真係好亂, 打開門真係唔知會點, 可能會受傷, 但係唔開, 好肯定就係我會缺氧, 而最終選擇了...