二零零九 - 己丑 - 牛年

好少揸住支筆寫唔出字, 生平感到好似依家咁迷惘試過兩次, 第一次係達成生平志願, 好開心! 但頓然失去咗當時人生唯一嘅目標, 感到失落同迷惘! 好快我知道自己下一個目標係乜, 我好努力, 好盡力去衝! 四年後我達到之前為自己定下嘅目標, 好開心! 但頓然失去咗當時人生唯一嘅目標, 再一次感到失落同迷惘! 但係呢次有經驗喇, 好快我為自己定下一個難啲達成嘅目標, 我更加努力, 更加盡力去衝! 八年後我歷盡辛酸達到之前為自己定下嘅目標, 好開心!  亦再一次失落同迷惘, 我已經為自己定下一連串重大而具挑戰性嘅目標, 好似一隻入咗閘準備比賽嘅馬, 但奈何因為種種因素, 閘門始終未開, 迷惘嘅感覺唔能夠好似之前咁衝破, 反而多咗一份緊張~~~ 等待已經難受, 加上討厭嘅感覺簡直令人窒息!!!